E nderuar familje e Prof. Dr. Beqir Lupçit,
Me pikëllim të thellë morrëm lajmin për vdekjen e Prof. Dr. Beqir Lupçi.
Ky është një lajm i hidhur për të gjithë stafin e Fakultetit të Mjekësisë dhe Degën e Stomatologjisë, përkatësisht Katedrën e Ortodoncisë, në veçanti.
Prof. Dr. Beqir Lupçi ishte doajen i stomatologjisë Kosovare, i cili udhëheqi Klinikën dhe Katedrën e Ortodoncisë në Degën e Stomatologjisë, të Fakultetit të Mjekësisë në Universitetin “Hasan Prishtina” deri në pensionimin e tij në vitin 2004.
Të gjithe ne, kolegët dhe studentët e tij, e kujtojmë si një shembull i shkëlqyer, i një profesori me intergritet të lart akademik, i një zotëriu gallant, gjentil dhe me kulturë të lartë.
Ne, menaxhmenti i Fakultetit të Mjekësisë dhe i gjithë stafi akademik dhe administrativ i Fakultetit të Mjekësisë ju shprehim ngushëllime të sinqerta, juve familjes së Prof. Dr. Beqir Lupçit.
Nuk keni humbur vetëm ju bashkëshortin, babanë dhe familjarin tuaj, por edhe i gjithë Fakulteti i Mjekësisë, një profesor të çmuar.
I nderuar Prof. Beqir, u prehsh në paqë!
I përjetshëm qoftë kujtimi për Prof. Dr. Beqir Lupçin!
Me respekt,
Prof. Dr. Suzana Manxhuka-Kërliu
Dekane