Takimi zyrtar i menaxhmentit të Fakultetit të Mjekësisë me Profesor Jason Harris, profesor në Universitetin Purdue, Indiana, dhe Drejtor i Qendrës për Siguri Nukleare dhe Radiologjike (CRANS), si dhe Dekan i Asociuar në Kolegjin e Shkencave Shëndetësore të këtij universiteti, u zhvillua gjatë vizitës së tij në Kosovë si specialist Fullbright. Ky projekt realizohet në bashkëpunim me Agjencinë për Mbrojtje nga Rrezatimi dhe Siguri Berthamore dhe Universitetin e Prishtinës. Gjatë qëndrimit të tij, Profesor Harris është angazhuar për mbajtjen e ligjëratës nga lënda e Biofizikës mjekësore për studentët e Fakultetit të Mjekësisë.