Në kuadër të grant programeve për universitete, kompania Dentsply Sirona u ka ofruar studentëve të  Fakultetit të Mjekësisë (UP)-Dega e Stomatologjisë, mundësinë e trajnimeve falas në lëminë e Endodoncisë (nga trajneri i certifikuar), trajnime këto që do të realizohen në QKSUK, aty ku edhe studentët i mbajnë ushtrimet.

Poashtu, kompania “ Bora Dental”, e cila njëherit është distributori i Dentsply Sirona për Kosovë, në kuadër të këtij granti, ka dhuruar donacion për studentët e stomatologjisë, donacion ky i përbërë nga: endomotorë, kompozite, instrumente endodontike, materiale endodontike, si dhe matrica.

Menaxhmenti i FM-së, falenderon përzemërsisht kompaninë “Bora Dental” –Prishtinë, për kontributin e dhënë për edukimin dhe trajnimin e studentëve.