Fakulteti i Mjekësisë, Universiteti i Prishtinës është përfitues i projektit shkencor me titull: "Strengthening Kosovo’s Research In Environmental And Medical Research" (“Fuqizimi i kërkimit shkencor të Kosovës në kërkim mjedisor dhe mjekësor”), në kuadër të thirrjes nga Bashkimi Evropian “Ngritja e Kapaciteteve Shkencore në Kosovë” – Europe Aid.
Ky projekt, është përgatitur nga Prof.Asoc. Armond Daci, njëherit edhe koordinator gjatë implementimit të projektit, me mbështetjen e Menaxhmentit dhe Stafit Akademik të Fakultetit të Mjekësisë dhe Fakultetit të Shkencave Matematiko Natyrore, si dhe partnerëve nga Universitetet prestigjioze ndërkombëtare si pjesë kryesore e projektit, siç janë:
1. Universiteti King’s College London, Londër (lider i projektit); Dr.Driton Vllasaliu
2. Universiteti i Milanos, Itali – bashkaplikant,
Prof.Dr.Giuseppe Danilo Norata, Prof.Asoc.Giangiacomo Beretta
3. Universiteti i Parmës, Itali – bashkaplikant.
Prof.Asoc.Michele Miragoli
Synimi kryesor i projektit është fuqizimi i aftësive kërkimore dhe inovacionit në Universitetin e Prishtinës "Hasan Prishtina" në "Toksikologjinë Mjedisore kryesisht të ndërlidhur me Nanotoksikologjinë, impaktin e ndotësve/nanopartikulat në shëndetin human dhe Nanomjekësinë, respektivisht integrimin e Farmakologjisë me Nanoteknologji, për përmirësime të avancuara terapeutike”.
Ky projekt shënon njërin ndër investimet më të mëdha nga Bashkimi Evropian për Universitetin e Prishtinës dhe ka vlerën prej 1 milion euro.