Prof ass Zana Sllamniku Dalipi ka filluar punën si asistente në Fakultetin e Mjekësisë, Dega Stomatologji, Katedrën Sëmundjet e Gojës në shkurt të vitit 2000, ku në të njëjtën kohë ka vazhduar punën si mjeke klinike ne Klinikën e Sëmundjeve të Gojës në Qendrën Klinike Universitare Stomatologjije të Kosovës. Nga viti 2005 vazhdoi punën si mjeke specialiste e Parodontologjisë dhe Mjekësisë Orale. Në kuadër të edukimit të vazhdueshëm specialistik nga lëmia e Parodontologjisë dhe Mjekësisë Orale është trajnuar në Qendrën Klinike Universitare në Sarajevë. Titullin magjistër i Shkencave të Stomatologjisë e ka arrit në vitin 2007, ndërsa doktor shkence në vitin 2013.
Është autore dhe bashkëautore e shume publikimeve shkencore, monografive, pjesëmarrëse aktive në shume konferencave vendore dhe ndërkombëtare, si dhe e ftuar si ligjeruese në kongrese dhe konferenca për të dhënë kontributin shkencor-profesional.Në kuadër të trajnimeve në mësimdhënie ka përfunduar me sukses: Science engagement programme UWE Bristol, mësimdhënia në arsim të lartë dhe planifikimi dhe implementimi i mësimdhënies në arsimin e lartë.Çmimin posteri më i mirë e fitoi në mars 2015 në Dubai, UAE, në International Conference and Exhibition on Dentistry.
Ka qenë anëtare e Bordit Etik të Ministrisë së Shëndetësisë , anëtare e Bordit Qëndror për shkollim specialistik në Ministrinë e Shëndetësisë së Kosovës, anëtare e Komitetit Specialistik Qendra Klinike
Stomatologjike Universitare e Kosovës, kryetare e Komisionit Etik -Oda e Stomatologëve të Kosovës, zëvendës shefe e Katedrës së Parodontologjisë dhe Mjekësisë dhe mentore me vite e specializantëve në lëmin e Parodontologjisë dhe Mjekësisë Orale.
Përfundoi me sukses kursin e formimit të lartë profesional nivel minimaster implantologji-parodontologji-regjenerativë-protezike organizuar nga Universita Dellaquila nel Paese Delle Aquile në Tiranë. Nga viti 2016-2022, shërbeu si Shefe e Klinikës së Parodontologjisë dhe Mjekësisë Orale. Është anëtare e Bordit Qëndror për shkollim specialistik në Ministrinë e Shëndetësisë së Kosovës dhe anëtare e Odës së Stomatologëve të Kosovës.
Aktualisht është Prodekane për financa dhe infrastrukturë në Fakultetin e Mjekësisë, Univesiteti i Prishtinës dhe Profesor asistente në lëndët Parodontologji dhe Mjekësi Orale.